پاکستان تحریک انصاف کے گزشتہ روز ہونے والے کور کمیٹی کے اجلاس کی اندرونی کہانی سامنے آگئی۔ ذرائع کے مطابق اجلاس 24 نومبر کے احتجاج کے حوالے سے ہوا۔ ذرائع کے مطابق بیرسٹر گوہر نے پورے معاملے کا ذمہ دار حکومت کو ٹھہرایا۔ صاحبزادہ حامد رضا نے کہا کہ ڈی چوک جانے کا فیصلہ سیاسی کمیٹی کا نہیں تھا، ارکان نے کہا کہ بیرسٹر گوہر اور سلمان اکرم راجہ نے احتجاج کی قیادت کیوں نہیں کی۔. ذرائع کے مطابق پارٹی کے سینئر رہنما کا کہنا تھا کہ سنگجانی میں احتجاج اور دھرنے کی ہدایت پی ٹی آئی کے بانی نے دی تھی۔ بانی کی ہدایت تھی کہ سنگجانی جانے سے قافلے نہیں ٹوٹیں گے۔کور کمیٹی ارکان کا کہنا تھا کہ بانی تحریک انصاف کی ہدایات کو نظر انداز کیا گیا۔ ذرائع کے مطابق پارٹی رہنما کا کہنا تھا کہ بشریٰ بی بی نے سنگجانی میں احتجاج کرنے سے انکار کردیا۔ بشریٰ بی بی نے بنی کو حکم دیا کہ وہ ڈی چوک پر احتجاج کریں۔ ذرائع کے مطابق کور کمیٹی کے ارکان نے سیاسی کمیٹی کا فیصلہ نہ ماننے پر برہمی کا اظہار کرتے ہوئے 24 نومبر کے احتجاج سے متعلق ناکامیوں کی تفصیلات بانی پی ٹی آئی کو بھجوانے کا فیصلہ کیا ہے۔
0
