گنڈا پور کا دوبارہ اسلام آباد جانے کا اعلان

وزیراعلیٰ خیبرپختونخوا علی امین گنڈا پور نے ایک بار پھر اسلام آباد جانے کا اعلان کردیا۔ گنڈا پور نے یہ اعلان خیبرپختونخوا اسمبلی کے اجلاس سے خطاب کرتے ہوئے کیا۔ اجلاس جمعہ کی شب منعقد ہوا جس میں پی ٹی آئی کے ڈی چوک احتجاج کے حوالے سے تقاریر کی گئیں۔ ادھر علی امین گنڈا پور نے بھی وفاقی حکومت کو دھمکیاں دے دیں۔ اپنے خطاب کے دوران گنڈا پور نے کہا کہ ہم ایک بار پھر اسلام آباد آرہے ہیں اور اس حوالے سے فیصلہ کرلیا گیا ہے۔گنڈا پور کا کہنا تھا کہ ’عمران خان کو رہا کریں، ورنہ ہم نے دوبارہ میٹنگ کی ہے، اگلی حکمت عملی تیار کرلی ہے۔ اس کے باوجود ہم اس پر کام کریں گے۔ ہم حق کے لیے لڑیں گے اور اگر ہمیں حق نہ ملا تو ہم حق کے لیے اسی طرح ماریں گے جیسے ہمارے بچے شہید ہوئے ہیں۔