ملکوں کے درمیان تعلقات کی بہتری کیلئے ثقافتی سفارتکاری اہم ہے: اسحاق ڈار

وزیر خارجہ اسحاق ڈار کا کہنا ہے کہ ملکوں کے درمیان تعلقات کی بہتری کے لیے ثقافتی سفارت کاری اہم ہے۔ وزارت خارجہ میں پاکستان فارن آفس ویمنز ایسوسی ایشن (پی ایف ڈبلیو اے) کے چیریٹی بازار میں بات کرتے ہوئے اسحاق ڈار نے کہا کہ چیریٹی بازار کا مقصد پسماندہ طبقات کی فلاح و بہبود میں اپنا حصہ ڈالنا ہے۔ انہوں نے کہا کہ لوگوں کو مختلف ثقافتوں کو دیکھنے کا موقع ملتا ہے، ہر ملک کی ثقافت کی الگ پہچان ہوتی ہے۔. وزیر خارجہ نے کہا کہ مختلف ثقافتوں کو قریب لانے کے لیے پفوا چیریٹی بازار کی تنظیم اہم ہے۔ انہوں نے کہا کہ نمائشیں، ثقافتی شوز بھی پفوا چیریٹی بازار کا حصہ ہیں، چیریٹی بازار کا انعقاد بھی سفارت کاری کا حصہ ہے۔