پی ٹی آئی رہنماؤں کے بیرسٹر گوہر، سلمان اکرم راجہ سمیت مرکزی قیادت پر الزامات

پاکستان تحریک انصاف (پی ٹی آئی) کے رہنماؤں نے مرکزی قیادت کے خلاف وائٹ پیپر تیار کرکے بانی کو بھجوانے کا فیصلہ کیا ہے۔ ذرائع کے مطابق پی ٹی آئی رہنماؤں نے بیرسٹر گوہر، سلمان اکرم راجہ سمیت مرکزی قیادت پر الزامات لگائے ہیں۔ ذرائع نے بتایا ہے کہ رہنماؤں کا موقف ہے کہ ایف آئی آر میں ہمارے نام ہیں لیکن بیرسٹر گوہر ہر بار فرار ہو جاتے ہیں۔ حلیم عادل شیخ نے کہا کہ ہمارے خلاف ایف آئی آر درج ہو رہی ہیں لیکن مرکزی قیادت آزاد ہے۔ذرائع کا کہنا ہے کہ کور کمیٹی کے ارکان نے کشیدگی کا ذمہ دار مرکزی رہنماؤں کو ٹھہرایا ہے۔ رہنماؤں نے رائے دیتے ہوئے کہا ہے کہ بیرسٹر گوہر گراؤنڈ پر نہیں تھے اور نہ ہی انہوں نے قائدانہ کردار ادا کیا تھا۔ علی محمد خان آڈیو بیان میں۔ بتایا گیا ہے کہ پارٹی کی مرکزی قیادت مذاکرات میں مصروف تھی۔