پاکستان آکر کھیلیں، آپ کو شکست کھانے کا اور ہی مزہ آئیگا: رانا مشہود کا بھارتی بورڈ کو پیغام

اسلام آباد: پرائم منسٹر یوتھ پروگرام کے چیئرمین رانا مشہود احمد نے چیمپئنز ٹرافی کے حوالے سے بھارتی کرکٹ بورڈ کو پیغام دے دیا۔ لاہور میں ایک تقریب سے خطاب کرتے ہوئے رانا مشہود نے بھارتی ٹیم کو پیغام میں کہا کہ ہمت سے کام لیں، پاکستان آئیں۔ کھیلیں کیونکہ آپ کو پاکستان میں ہارنے کا زیادہ مزہ آئے گا۔ انہوں نے کہا کہ بھارت کو مشورہ ہے کہ آپ کی نیک نامی ویسے بھی نہیں تھی، اب کم ہوتی جارہی ہے۔پہلی بار پاکستان کرکٹ بورڈ کی پوزیشن بہت جاندار ہے۔ پاکستان بھارت سے زیادہ پرامن ملک ہے۔ رانا مشہود نے کہا کہ پاکستان میں اگر مسائل ہیں تو وہ بھی آپ کے بھیجے ہوئے ایجنٹوں کی وجہ سے ہیں۔ دوسری جانب انہوں نے اقبال میں تقریب سے خطاب کرتے ہوئے تحریک انصاف کو تنقید کا نشانہ بناتے ہوئے کہا کہ ریاست پر بار بار حملے مزید برداشت نہیں کیے جائیں گے، جواب دینا بہت آسان ہے لیکن ہم تصادم نہیں چاہتے، ہم چاہتے ہیں۔ تمام صوبوں کو ساتھ لے کر چلنا۔