ہلاک ہونے والے کارکنوں کا کیس اقوام متحدہ لے کر جائیں گے، عمران خان کے ایکس اکاؤنٹ سے اعلان

سابق وزیراعظم عمران خان کے ایکس اکاؤنٹ نے اعلان کیا ہے کہ اسلام آباد میں جاں بحق ہونے والے کارکنوں کا معاملہ اقوام متحدہ سمیت ہر فورم پر لے کر جائیں گے۔ نافذ کرنے والے اداروں کی فائرنگ سے 12 کارکن مارے گئے تھے تاہم حکومت پاکستان نے اس الزام کی تردید کی ہے۔ یہ دعویٰ پیر کی شب عمران خان کے ایکس اکاؤنٹ پر جاری ہونے والی ایک پوسٹ میں کیا گیا ہے۔کہ جاں بحق ہونے والوں کا کیس اقوام متحدہ سمیت ہر فورم پر لے کر جائیں گے۔ اس مراسلے میں سپریم کورٹ سے “تحقیقات کے لیے ایک غیر جانبدار عدالتی کمیشن تشکیل دینے” اور مبینہ قتل میں ملوث عناصر کو سخت ترین سزائیں دینے کا مطالبہ بھی کیا گیا۔ مراسلہ میں یہ مطالبہ بھی کیا گیا ہے کہ ‘اسلام آباد اور راولپنڈی کے اسپتالوں کا ڈیٹا جلد از جلد منظر عام پر لایا جائے اور تمام اسپتالوں اور سیف سٹی کی سی سی ٹی وی فوٹیج کو محفوظ کیا جائے تاکہ شواہد ضائع نہ ہوں۔،اس مراسلے میں پارلیمنٹ کے اجلاس میں قرارداد پیش کرنے کے ساتھ ساتھ تحریک انصاف کے کارکنوں کو اگلے مرحلے کی تیاری کرنے کی تاکید کی گئی ہے۔