مقبوضہ کشمیر؛ 2 بھارتی فوجیوں نے خود کو موت کے گھاٹ کے اتار لیا

مقبوضہ کشمیر میں ذہنی تناؤ اور پست حوصلے کے باعث بھارتی فوج کے 2 اہلکاروں نے سرکاری رائفلز سے خود کو گولی مار لی۔ کشمیر میڈیا سروس کے مطابق مقبوضہ کشمیر میں بھارت کی نیم فوجی سینٹرل ریزرو پولیس فورس کے ایک افسرکے ضلع شوپیاں میں خودکشی۔ سرکاری رائفل سے خود کو گولی مار کر اپنی زندگی کا خاتمہ کرنے والے اہلکار کی شناخت پرم ویر کے طور پر کی گئی ہے۔ لاش کو ضروری کارروائی کے بعد آبائی گاؤں روانہ کر دیا گیا۔خودکشی کا دوسرا واقعہ مقبوضہ کشمیر کے ضلع کشتواڑ میں پیش آیا جہاں سناتم سنگھ نامی 24 سالہ بھارتی فوجی اہلکار نے خود کو گولی مار کر خودکشی کرلی۔ دوسری جانب اسپتال ذرائع کا کہنا ہے کہ گولی قریبی رینج سے چلائی گئی تھی اور زخم سے لگتا ہے کہ گولی خود کو لگی۔ یاد رہے کہ مقبوضہ کشمیر میں ذہنی تناؤ اور پست حوصلے کے باعث بھارتی فوجیوں میں خودکشی کے واقعات عام ہیں۔