پی ٹی آئی نے غلط کیا ، حکومت نے بھی تو غلط کیا ، اسلام آباد ہائیکورٹ اسٹیٹ کونسل پر برہم

اسلام آباد ہائی کورٹ کے چیف جسٹس عامر فاروق نے حکومت اور انتظامیہ پر برہمی کا اظہار کرتے ہوئے کہا ہے کہ آپ نے امن و امان بحال کرنا تھا لیکن آپ نے پورا اسلام آباد بند کر دیا۔ اسلام آباد ہائی کورٹ میں 24 نومبر کو پی ٹی آئی کے احتجاج کے خلاف اسلام آباد کے تاجروں کی توہین عدالت کی درخواست پر سماعت ہوئی۔ چیف جسٹس عامر فاروق نے کہا کہ درخواست گزار نے کہا کہ ہمارا کاروبار چلنے دیں۔جسٹس عامر فاروق نے کہا کہ عدالت نے کہا تھا کہ آپ شہریوں، تاجروں اور مظاہرین کے بنیادی حقوق کا خیال رکھیں۔ یہ بھی پوچھیں گے کہ عدالتی احکامات کی خلاف ورزی کیوں کی گئی۔ انہوں نے کہا کہ پی ٹی آئی نے غلط کیا تو حکومت نے بھی غلط کیا۔ درخواست گزار کا کیا قصور تھا؟ ان کا کاروبار کیوں بند کیا؟چیف جسٹس نے سٹیٹ کونسل پر برہمی کا اظہار کرتے ہوئے کہا کہ آپ پہلی بار عدالت میں پیش ہوئے ہیں، یہ ماہرانہ رائے وہاں دینی تھی۔ وہ خود حکم کا شکار ہو گیا تھا۔