نرگس فخری کا قتل میں ملوث بہن سے اظہارِ لاتعلقی

بالی ووڈ کی معروف اداکارہ نرگس فخری نے 2 افراد کے قتل میں ملوث اپنی بہن عالیہ فخری سے لاتعلقی کا اظہار کیا ہے۔ بھارتی میڈیا رپورٹس کے مطابق نرگس فخری نے میڈیا سے گفتگو کرتے ہوئے تصدیق کی ہے کہ وہ گزشتہ 20 سال سے اپنی بہن کے ساتھ ہیں۔ رابطے میں نہیں۔ اداکارہ کے مطابق امریکا میں 2 افراد کے قتل میں ان کی بہن کے ملوث ہونے کے بارے میں سوشل میڈیا کے ذریعے معلوم ہوا۔ واضح رہے کہ گزشتہ روز اداکارہ نرگس فخری کی 43 سالہ بہن کو امریکا میں گرفتار کیا گیا تھا۔ اس واقعے میں عالیہ فخری کے سابق بوائے فرینڈ اور اس کی خاتون دوست کو قتل کر دیا گیا تھا اور انہیں اپنے سابق بوائے فرینڈ کے گھر کو آگ لگانے اور دوہرے قتل کے الزام میں گرفتار کیا گیا تھا۔