احتجاج کے دوران ہمارے 12 کارکن جاں بحق، 200 لاپتہ ہیں: عمر ایوب

قومی اسمبلی میں قائد حزب اختلاف اور تحریک انصاف کے رہنما عمر ایوب نے کہا ہے کہ اسلام آباد میں احتجاج کے دوران ہمارے 12 کارکن جاں بحق ہوئے، 200 لاپتہ ہیں۔ پشاور میں پی ٹی آئی رہنما عمر ایوب کی اسد قیصر، شبلی فراز اور شیخ وقاص اکرم کے ساتھ پریس کانفرنس۔ انہوں نے کہا کہ 5 دسمبر کو عمران خان سے طویل ملاقات ہوئی، اڈیالہ جیل سے باہر آتے ہی مجھے گرفتار کر لیا گیا۔ انہوں نے کہا کہ اگلے روز عدالت نے میری رہائی کا حکم دیا۔24 نومبر کو ہم نے پرامن احتجاج کیا، پرامن احتجاج میں کارکنوں پر گولیاں چلائی گئیں، 12 کارکن جاں بحق ہوئے، 200 سے زائد کارکن تاحال لاپتہ ہیں۔ عمر ایوب نے کہا کہ ہمارے پانچ ہزار سے زائد کارکنوں کو گرفتار کیا گیا، 13 دسمبر کو کارکنوں کے لیے… دعائیہ تقریب ہوگی، بیرون ملک مقیم پاکستانی 15 دسمبر کو دعا کریں گے۔انہوں نے مزید کہا کہ ہمارے زخمی کارکنوں کو ملک میں ڈرایا، دھمکایا، ورچوئل کیا جا رہا ہے۔ مارشل لاء لگا ہوا ہے۔شہباز شریف کی ذہنیت ہٹلر جیسی ہے، شہباز شریف بھی ہٹلر جیسا لباس پہنتے ہیں، ملک میں ریاستی دہشت گردی کا چرچا زیادہ ہے۔ تحریک انصاف کے مرکزی رہنما شبلی فراز نے کہا کہ 8 فروری کی غلطی سے ملک انتشار کا شکار ہے۔ مینڈیٹ چوری کیا گیا، غلطی چھپانے کے لیے 100 جھوٹ بولے جا رہے ہیں۔