اسلام آباد میں ہنگامہ آرائی کرنے والوں کیخلاف کارروائی تیز کرنے کا حکم ،وزیراعظم شہباز شریف

وزیراعظم اور شرکاء کو اسلام آباد میں امن و امان کی صورتحال سے متعلق اقدامات پر بریفنگ دی گئی اور بتایا گیا کہ سیف سٹی کا دائرہ کار وسیع کرتے ہوئے کیمروں کی تعداد میں اضافہ کیا جا رہا ہے۔بریفنگ میں بتایا گیا کہ اسلام آباد جیل کی عمارت اگلے سال مارچ تک مکمل ہو جائے گی وزیراعظم شہباز شریف نے دارالحکومت اسلام آباد میں ہنگامہ آرائی اور توڑ پھوڑ کرنے والوں کے خلاف کارروائی تیز کرنے کا حکم دیا ہے۔، اس پر وزیراعظم نے ہدایت کی کہ دارالحکومت میں جیل کی تعمیر جلد مکمل کی جائے اور متعلقہ فنڈز فوری جاری کیے جائیں۔ وزیر اعظم شہباز شریف نے فیڈرل پراسیکیوشن سروس کو وزارت قانون کے تحت لانے کی ہدایت کر دی۔ ملاقات میں شہباز شریف کا مزید کہنا تھا کہ کسی کو افراتفری پھیلا کر مستحکم معیشت کو سبوتاژ کرنے کی اجازت نہیں دیں گے۔انہوں نے یہ بھی کہا کہ اسلام آباد میں گزشتہ ہنگاموں اور توڑ پھوڑ کے ذمہ داروں کے خلاف کارروائی تیز کی جائے اور اس بات کو یقینی بنایا جائے کہ فسادیوں کے خلاف کارروائی میں کسی بے گناہ کو گرفتار نہ کیا جائے۔انہوں نے ہدایت کی کہ افراتفری اور فساد پھیلانے والوں کی نشاندہی کے عمل کو موثر بنایا جائے اور ٹھوس اقدامات کیے جائیں۔