جمیعت علمائے اسلام تحریک انصاف کی سول نافرمانی تحریک سے اتفاق نہیں کرتی‘

جمعیت علمائے اسلام (جے یو آئی) کے رہنما حافظ حمد اللہ نے کہا ہے کہ تحریک انصاف کے ساتھ مل کر تحریک چلانے کا ابھی کوئی فیصلہ نہیں ہوا، اگر پی ٹی آئی کے اراکین اکٹھے ہو کر تحریک چلاتے ہیں تو دیکھیں گے۔ کوئی انتہا نہیں ہے۔ حافظ حمد اللہ نے کہا کہ جے یو آئی تحریک انصاف کی سول نافرمانی کی تحریک چلانے پر متفق نہیں، سول نافرمانی کی تحریک کا سب سے زیادہ نقصان تحریک انصاف کو ہوگا۔واضح رہے کہ اس سے قبل تحریک انصاف کے رہنما اسد قیصر نے کہا ہے کہ وہ مولانا فضل الرحمان سے رابطے میں ہیں اور چاہتے ہیں کہ وہ حکومت کے خلاف مشترکہ تحریک چلائیں۔ علاوہ ازیں پی ٹی آئی رہنما شوکت یوسفزئی نے وارننگ دیتے ہوئے کہا کہ حکومت نے سنجیدہ مذاکرات نہ کیے تو 14 دسمبر سے سول نافرمانی کا اعلان کیا جائے گا، انہوں نے کہا کہ پی ٹی آئی نے احتجاج اور مذاکرات کی حکمت عملی مرتب کر لی ہے اور نتیجہ خیز ہونے تک احتجاج جاری رہے گا۔ مذاکر اتحتجاج سے مذاکرات کے دروازے بند نہیں ہوں گے، تمام لوگوں سے مذاکرات ہوں گے۔