وندر میں ٹریفک حادثہ، بچی سمیت 5 خواتین جاں بحق

بلوچستان کے علاقے وندر میں قومی شاہراہ پر کار اور ٹرک میں تصادم کے نتیجے میں 6 سالہ بچی اور 4 خواتین جاں بحق ہوگئیں۔ اہل خانہ کے مطابق جاں بحق ہونے والی خواتین کوئٹہ کی ہزارہ کالونی کی رہائشی تھیں اور اپنی بیمار بہن کی عیادت کے لیے گلستان جوہر کراچی آرہی تھیں۔ حادثے کے بعد میتوں کو گلستان جوہر حسین ہزارہ گوٹھ امام بارگاہ ابوالفضل عباس منتقل کر دیا گیا ہے جہاں سے انہیں غسل اور کفن پہنانے کے بعد ان کے آبائی علاقے کوئٹہ روانہ کر دیا جائے گا۔اہلخانہ کا کہنا ہے کہ کراچی میں زیر علاج متاثرہ خواتین کی بہن کینسر کی مریضہ ہے اور وہ ان سے ملنے آرہی تھی۔