ملک کے بیشتر علاقوں میں موسم شدید سرد اور خشک رہے گا۔ سردی کی موجودہ لہر 15 دسمبر تک جاری رہے گی

آج ملک کے بیشتر علاقوں میں موسم شدید سرد اور خشک رہے گا۔ سردی کی موجودہ لہر 15 دسمبر تک جاری رہے گی۔جب کہ کشمیر اور گلگت میں مزید بارش اور پہاڑوں پر برفباری کا امکان ہے۔ لاہور آج پاکستان کے آلودہ شہروں میں پہلے نمبر پر ہے جہاں صبح سویرے ہوا کے معیار کا انڈیکس 253 ریکارڈ کیا گیا۔ملک میں سردی کی شدید لہر جاری ہے، شمالی علاقہ جات میں بارش اور شدید برفباری سے سردی کی شدت میں اضافہ ہوگیا۔ وادی ہنزہ میں شاہراہ قراقرم بند ہوگئی، کوئٹہ، سکردو، مالم جبہ، چترال اور دیر میں پارہ منفی 4 تک گر گیا۔ آزاد کشمیر کے بالائی علاقوں میں برف باری کا سلسلہ وقفے وقفے سے جاری ہے، پہاڑوں پر 2 فٹ سے زائد برف پڑنے کے بعد سردی کی شدت میں اضافہ ہوگیا۔ گلگت بلتستان کے بالائی علاقوں میں بھی برف باری کا سلسلہ جاری ہے۔ضلع استور میں برف باری سے نظام زندگی متاثر ہوا جب کہ خیبر پختونخوا کے بابو سرتاپ، نانگا پربت اور بٹو گاہ میں برف باری ہوئی۔ لاہور سمیت پنجاب کے مختلف شہروں میں شدید سردی کی لہر جاری ہے، بلوچستان میں کوئٹہ، قلات، چمن، قلعہ عبداللہ، پشین اور زیارت سمیت صوبے بھر میں شدید سردی کے باعث پائپوں میں پانی جم گیا۔ محکمہ موسمیات کے مطابق