بھارت: تامل ناڈو کے اسپتال میں آگ لگنے سے 6 افراد ہلاک

بھارتی ریاست تامل ناڈو کے نجی اسپتال میں آگ لگنے سے 6 افراد ہلاک اور متعدد زخمی ہوگئے۔ بھارتی میڈیا رپورٹس کے مطابق اسپتال میں آگ شارٹ سرکٹ کے باعث لگی جس کے بعد اسپتال کی عمارت میں متعدد مریض اور عملہ پھنس گیا۔ رپورٹ میں بتایا گیا ہے کہ عمارت میں آگ رات 9 بجے کے قریب لگی جس کے شعلے اور دھواں تیزی سے اسپتال کے داخلی دروازے سے پوری عمارت میں پھیل گیا۔رپورٹ کے مطابق ریسکیو ٹیم نے ہسپتال میں پھنسے 100 کے قریب افراد کو باہر نکالا۔ رپورٹ میں یہ بھی بتایا گیا کہ مرنے والے 6 افراد میں سے 5 کی موت اسپتال کے گراؤنڈ فلور پر لفٹ میں پھنس جانے کے بعد دھواں دم گھٹنے سے ہوئی۔