سی پیک کا پہلا مرحلہ، 43 منصوبے مکمل کرلیے گئے، احسن اقبال

وفاقی وزیر برائے منصوبہ بندی احسن اقبال نے کہا ہے کہ چین پاکستان اقتصادی راہداری (CPEC) کے پہلے مرحلے میں 43 منصوبے مکمل ہو چکے ہیں۔ احسن اقبال نے اپنے خطاب میں کہا کہ 25 ارب امریکی ڈالر کے 43 منصوبے مکمل ہو چکے ہیں۔ انہوں نے کہا کہ سی پیک دونوں ممالک کے درمیان پائیدار ترقیاتی تعاون کی علامت بھی ہے۔اس منصوبے کے ثمرات پورے خطے میں بانٹیں گے۔ وفاقی وزیر منصوبہ بندی کا مزید کہنا تھا کہ سی پیک کا پہلا مرحلہ کامیابی سے مکمل کیا گیا ہے، 25 ارب ڈالر کی مجموعی مالیت سے 43 منصوبے مکمل کیے گئے ہیں۔ CPEC کی کامیابیاں ان ملازمین کی انتھک محنت کا نتیجہ ہیں جو اس پر کام کر رہے ہیں، CPEC صرف انفراسٹرکچر، سڑکوں، پلوں اور پاور پلانٹس کی تعمیر کا نام نہیں ہے۔