خالد مقبول صدیقی کا حکومت سے علیحدگی کا عندیہ

متحدہ قومی موومنٹ پاکستان (ایم کیو ایم پی) کے چیئرمین خالد مقبول صدیقی نے حکومت چھوڑنے کی دھمکی دے دی۔ ہفتہ کو کراچی کی نیشنل ٹیکسٹائل یونیورسٹی میں ایک تقریب سے خطاب کرتے ہوئے وفاقی وزیر نے حکومت چھوڑنے کا عندیہ دیا۔ ایم کیو ایم پی رہنما نے کہا کہ جہاں بلدیاتی ادارے خود مختار نہ ہوں وہاں جمہوریت بے کار ہے۔ انہوں نے کہا کہ کراچی کی ترقی کے بغیر پاکستان ترقی نہیں کر سکتا۔ان کا مزید کہنا تھا کہ ہم سب کو دعا کرنی چاہیے کہ کراچی کو اسلام آباد کے برابر بنایا جائے۔ انہوں نے کہا کہ کراچی میں بلدیاتی اداروں کو اختیارات نہیں دیئے گئے اور ایسے تمام دعوے جھوٹے ہیں۔ انہوں نے کہا کہ کراچی کی ترقی کے لیے ہم سب کو اپنا کردار ادا کرنا چاہیے کیونکہ یہ پاکستان کی ترقی کے لیے بہت ضروری ہے۔ قبل ازیں خالد مقبول صدیقی نے اس بات پر زور دیا تھا کہ پاکستان میں رہنے والی تمام نسلوں کو مساوی حقوق ملنے چاہئیں‘ انہوں نے دعویٰ کیا کہ سندھ میں 50 سال سے بدترین جاگیردارانہ نظام کے تحت ظلم کیا جا رہا ہے۔ انہوں نے روشنی ڈالی کہ گزشتہ 50 سالوں میں نسل پرستی کی بنیاد پر 56 ہزار سے زیادہ نوکریاں دی گئی ہیں۔ یہ بتاتے ہوئے کہ پاکستانی آئین مقامی لوگوں کے لیے روزگار کے مواقع کی وکالت کرتا ہے۔