اسکردو میں کار لینڈ سلائیڈنگ سے 5 افراد جاں بحق

اسکردو میں مٹی کا تودہ گرنے سے پانچ افراد جاں بحق ہوگئے۔ افسوسناک واقعہ جگوٹ سکردو روڈ پر پیش آیا۔ پولیس کا کہنا ہے کہ مٹی کے تودے گرنے سے پانچوں مسافر جان کی بازی ہار گئے۔ پولیس نے بتایا کہ لینڈ سلائیڈنگ کے بعد کار غائب ہوگئی۔ تلاش کرنے والی ٹیم نے گاڑی کو ایک گہری کھائی سے ملبے کے نیچے سے پایا۔ ریسکیو اہلکار بھی موقع پر پہنچ گئے اور لاشوں کو قریبی اسپتال منتقل کیا۔ دریں اثنا، پاکستان کے محکمہ موسمیات (پی ایم ڈی) کی پیشن گوئی کے مطابق آئندہ 24 گھنٹوں کے دوران بیشتر علاقوں میں موسم سرد اور خشک رہے گا، جب کہ پہاڑی علاقوں میں انتہائی سرد اور جزوی طور پر ابر آلود رہے گا۔ پی ایم ڈی نے شہریوں کو مشورہ دیا ہے کہ وہ متاثرہ علاقوں میں دھند کی کیفیت سے محتاط رہیں اور سرد موسم کے خلاف ضروری احتیاطی تدابیر اختیار کریں