سکھر میں پولیس وین درخت سے ٹکرا گئی، دو افراد جاں بحق، تین زخمی

ہفتہ کی شام سکھر میں مشتبہ افراد کا پیچھا کرتے ہوئے پولیس وین کو حادثہ پیش آیا جس کے نتیجے میں دو افراد جاں بحق اور تین اہلکار زخمی ہوگئے، جاں بحق ہونے والوں کی شناخت اشفاق شیخ اور امیر شیخ کے نام سے ہوئی ہے۔ ریسکیو ٹیموں نے زخمیوں اور جاں بحق افراد کو قریبی اسپتال منتقل کر دیا ہے۔ پولیس نے بتایا کہ رنگ روڈ پر ایک مشکوک کار کا پیچھا کرتے ہوئے موبائل وین جعفرآباد کے علاقے کے قریب ایک درخت سے ٹکرا گئی۔