پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ سابق وزیراعظم عمران خان نے پارٹی کو حکومت سے مذاکرات جاری رکھنے کی ہدایت کی ہے۔عمران خان سے ملاقات کے بعد اڈیالہ جیل کے باہر صحافیوں سے گفتگو کرتے ہوئے بیرسٹر گوہر نے انکشاف کیا کہ عمران خان نے حکومت سے مذاکرات جاری رکھنے کی ہدایت کی ہے۔ پارٹی کو حکومتی کمیٹی کے سامنے اپنے دو مطالبات تحریری طور پر پیش کرنے کی اجازت دے دی۔ انہوں نے واضح کیا کہ عمران خان حکومت کے ساتھ ڈیل کے کسی تصور کو پہلے ہی ختم کر چکے ہیں۔ گوہر نے مزید کہا کہ خان نے تیسرے مذاکراتی اجلاس کی ضرورت پر زور دیا۔ انہوں نے خبردار کیا کہ اگر مذاکراتی ٹیم کو بعد میں ملاقات کی اجازت نہ دی گئی تو مذاکرات میں مزید پیش رفت ناممکن ہو جائے گی۔
0
