سیف علی خان پر حملہ کرنے والے شخص کا تعلق کس ملک سے ہے؟

بالی ووڈ اسٹار سیف علی خان پر حملہ کرنے والے شخص کے حوالے سے متضاد خبریں سامنے آتی رہتی ہیں۔بھارتی میڈیا کے مطابق حراست میں لیا گیا شخص مختلف نام استعمال کر کے اپنی اصل شناخت چھپانے کی کوشش کرتا رہا۔اب ممبئی پولیس نے حراست میں لیے گئے شخص کے بارے میں شبہ ظاہر کیا ہے کہ وہ بنگلہ دیشی شہری ہو سکتا ہے۔حراست میں لیے گئے شخص کا نام شریف الاسلام شہزاد بتایا جاتا ہے، جو غیر قانونی طور پر بھارت میں داخل ہوا تھا۔ڈپٹی کمشنر آف پولیس ڈکشٹ گڈم کا کہنا ہے کہ حراست میں لیے گئے شخص پر بدھ کی رات سیف علی خان کے گھر میں پیش آنے والے واقعے کا الزام ہے۔ان کا کہنا ہے کہ اس کا نام شریف الاسلام شہزاد ہے، اس نے کوئی بھارتی دستاویز نہیں دکھائی، وہ بنگلہ دیشی شہری ہو سکتا ہے۔