سام سنگ گلیکسی ایس 25 کی لیک ویڈیو نے صارفین کو مایوس کردیا؟

چند روز قبل سام سنگ گلیکسی ایس 25 سیریز کی ایک پروموشنل ویڈیو لیک ہوئی تھی جس نے صارفین کو لانچ سے قبل اسمارٹ فون کا بصری تجربہ فراہم کیا تھا تاہم کمپنی کی جانب سے باقاعدہ درخواست کے بعد اسے ہٹا دیا گیا ہے۔ویڈیو اب بھی سوشل میڈیا پلیٹ فارمز پر گردش کر رہی ہے اور سام سنگ کے تازہ ترین فون میں اے آئی ٹیکنالوجی کو فون کے سب سے بڑے سیلنگ پوائنٹ کے طور پر دکھاتی ہے۔ایپل کی طرح، گلیکسی ایس 25 فونز AI خصوصیات سے لیس ہیں۔ سام سنگ کے اندر سے آنے والی رپورٹس میں دعویٰ کیا گیا ہے کہ فون میں اے آئی کے بڑے لینگویج ماڈلز کے ساتھ ساتھ گوگل جیمنی کے خصوصی فیچرز سے چلنے والی بکسبی ایپل کے اے آئی فیچرز کو خاک میں ملا دے گی۔تاہم، اس کے لانچ ہونے سے پہلے لیک ہونے والی ویڈیو میں فون کی تشہیر کی گئی خصوصیات دوسرے عام آئی فونز سے ملتی جلتی دکھائی دیتی ہیں۔ویڈیو میں دکھایا گیا کہ فون کے ڈسپلے پر کچھ خاص ٹولز ہیں جیسے رات کے وقت کی ویڈیو ریکارڈنگ کو بہتر بنانے کے ساتھ ساتھ وائس ریکارڈنگ میں ناپسندیدہ آوازوں کو ہٹانا۔لیکن بہت سے اپ گریڈ دوسرے AI اسمارٹ فونز سے ملتے جلتے ہیں۔سافٹ ویئر کے علاوہ نئے فون میں بیٹری کی گنجائش، چارجنگ کی رفتار، کیمرے اور ڈسپلے بھی یکساں ہوں گے۔ ہارڈ ویئر کے لحاظ سے گلیکسی ایس 25 کا سب سے بڑا سیلنگ پوائنٹ اسنیپ ڈریگن 8 ایلیٹ چپ سیٹ ہے جو ایک زبردست پنچ پیک کرتا ہے۔Galaxy S25 Ultra کی باقاعدہ ترسیل جمعہ 7 فروری سے شروع ہونے کی توقع ہے۔ یہ ڈیلیوری ان لوگوں کو جائے گی جنہوں نے 5 دن پہلے پہلے سے آرڈر کیا ہے۔