مشیل کو طلاق؟ اوباما کی اداکارہ جینیفر اینسٹن سے قربتیں

خبر گرم ہے کہ سابق امریکی صدر براک اوباما نے اپنی اہلیہ مشیل کو طلاق دینے کا فیصلہ کر لیا ہے اور دونوں اس وقت ایک ساتھ ’اچھے دوست‘ کے طور پر رہ رہے ہیں۔عالمی خبر رساں ادارے کے مطابق معروف اداکارہ جینیفر اینسٹن نے سابق امریکی صدر کے ساتھ رومانوی تعلقات کی افواہوں کی تردید کر دی ہے۔اس کے باوجود دونوں کے درمیان قربت کی خبریں وائرل ہو چکی ہیں جس کی وجہ سے باراک اوباما اور ان کی اہلیہ مشیل کی 30 سالہ شادی ‘چیلنجنگ مرحلے’ میں ہے۔اوباما اور مشیل سے واقف ایک ذریعے نے کہا کہ اس میں کوئی شک نہیں کہ اوباما اس وقت ایک مشکل وقت سے گزر رہے ہیں۔ جوڑے کے درمیان فاصلے بڑھتے جا رہے ہیں۔ان کا مزید کہنا تھا کہ مشیل جینیفر اینسٹن کے ساتھ ‘افیئر’ کی خبروں پر مایوس ہیں اور اب ان کے درمیان تعلقات میں کوئی مضبوطی نہیں ہے۔واضح رہے کہ افریقی نژاد امریکی صدر کے جینیفر کے ساتھ تعلقات کی خبریں 2022 میں شروع ہوئی تھیں تاہم ان افواہوں نے پھر زور پکڑا جب اوباما نے اپنی اہلیہ کے بغیر جمی کارٹر کی آخری رسومات میں شرکت کی۔