اپوزیشن اور حکومت کے درمیان میچ نہیں مذاکرات چل رہے ہیں، یوسف رضا گیلانی

چیئرمین سینیٹ یوسف رضا گیلانی نے کہا ہے کہ اپوزیشن اور حکومت میں کوئی میچ نہیں ہے۔اسلام آباد میں میڈیا سے گفتگو کرتے ہوئے چیئرمین سینیٹ کا کہنا تھا کہ کرکٹ ہمارے لوگوں کا پسندیدہ کھیل ہے۔یوسف رضا گیلانی نے کہا کہ سپیکر اسمبلی نے حکومت اور تحریک انصاف کو ایک پلیٹ فارم دیا۔ مذاکرات ہی واحد حل ہیں، تیسرا آپشن اور کوئی نہیں۔ایک سوال کے جواب میں انہوں نے کہا کہ سینٹر نے اعجاز چوہدری کے پروڈکشن آرڈر جاری کیے تھے، انہوں نے گزشتہ روز ان کے پروڈکشن آرڈر دوبارہ جاری کیے ہیں، پروڈکشن آرڈر کے حوالے سے آئی جی کو بھی ہدایت کی ہے۔چیئرمین سینیٹ نے کہا کہ مثبت امیج کو بہتر بنانے کے لیے میڈیا، پارلیمنٹ اور حکومت مل کر کام کر سکتے ہیں۔