حکومت کا بجلی کی خرید و فروخت کا نیا نظام متعارف کرانے کا فیصلہ

وفاقی حکومت نے بجلی کی نئی مارکیٹ متعارف کرانے کا فیصلہ کیا ہے جس کے تحت بجلی کی خرید و فروخت کا نظام شروع کیا جائے گا۔سینیٹ کی قائمہ کمیٹی پاور کا اجلاس سینیٹر محسن عزیز کی زیر صدارت ہوا، سیکرٹری پاور ڈویژن نے کہا کہ حکومت بجلی مارکیٹ میں لائے گی، اس نظام کے تحت بجلی کی خرید و فروخت کا نظام شروع کیا جائے گا۔ سال شروع ہو جائے گا۔سیکرٹری پاور نے کہا کہ اس وقت تمام بجلی سی پی پی اے خریدتی ہے جسے پھر ڈسکوز کو فروخت کیا جاتا ہے، اس طریقہ کار سے مسائل پیدا ہوتے ہیں۔ سیکرٹری پاور نے کہا کہ یہ تمام پاور سیکٹر کی اصلاحات ہیں جن پر عملدرآمد کیا جا رہا ہے، حکومت جنکوز اور ڈسکوز کی نجکاری کرے گی، این ٹی ڈی سی کو تین کمپنیوں میں تقسیم کیا جائے گا، این ٹی ڈی سی کا ذیلی ادارہ ہے۔ توانائی انفراسٹرکچر کو دیکھے گی۔سینیٹر شبلی فراز نے کہا کہ این ٹی ڈی سی کو کئی سالوں سے مستقل سربراہ کے بغیر چلایا جا رہا ہے، اب ادارے کو کارکردگی کی بنیاد پر تقسیم کرنے کا فیصلہ کیا گیا ہے۔سینیٹر محسن عزیز نے کہا کہ واپڈا کو دو حصوں میں تقسیم کرنے کا کیا فائدہ، سیکرٹری پاور نے کہا کہ میں خود اس وزارت میں نیا ہوں، مجھے پرانے فیصلوں کا بھی علم نہیں، اب ہم نے نئے منصوبوں کی منصوبہ بندی کر لی ہے۔ جس میں بجلی کے نرخوں پر خصوصی توجہ دی جا رہی ہے۔محسن عزیز نے کہا کہ ادارے تو بنتے ہیں لیکن پھر سٹاف اور لیڈر شپ میں میرٹ کو مدنظر نہیں رکھا جاتا، سیکرٹری پاور نے کہا کہ این ٹی ڈی سی بورڈ کے سربراہ ڈاکٹر فیاض چوہدری کو تعینات کر دیا گیا ہے، تمام ری اسٹرکچرنگ این ٹی ڈی سی بورڈ کی مشاورت سے کر رہے ہیں۔ ، شبلی فراز نے کہا کہ کمیٹی این ٹی ڈی سی بورڈ سے بھی بریفنگ لے، تمام وزارتوں میں پلاننگ کا بڑا فقدان ہے، جب کوئی چیز خراب ہو جاتی ہے تو کہتے ہیں اس کا ری برانڈ کر لیں۔سینیٹر منظور کاکڑ نے کہا کہ اس وقت بجلی کا پورا نظام ڈاؤن ہے، لوگ سولر کی طرف جا رہے ہیں، پاور ڈویژن کی پالیسی کیا ہے؟ سیکرٹری پاور نے کہا کہ ہم پورے سسٹم پر کام کر رہے ہیں، ہم تمام معاملات کو دیکھ رہے ہیں کہ لوگ سسٹم کیوں چھوڑ رہے ہیں۔محسن عزیز نے کہا کہ بجلی کے اضافی یونٹ پر کم ٹیرف ان لوگوں کے لیے فائدہ مند ہے جن کے ایکسپورٹ آرڈرز ہیں، اس وقت برآمدات کی مجموعی صورتحال اتنی اچھی نہیں ہے۔