عمران خان سامراج اور سپرپاور سے لڑرہا ہے۔ شیخ رشید کا ٹیکسلا میں پی ٹی آئی جلسے سے خطاب

شیخ رشید نے کہا ہے کہ آج پورا پاکستان عمران خان کے ساتھ ہے۔

تفصیلات کے مطابق سابق وزیر داخلہ شیخ رشید نے ٹیکسلا میں پی ٹی آئی جلسے سے خطاب کرتے ہوئے کہا کہ عمران خان کا مقابلہ مافیا سے ہے۔

شیخ رشید نے کہا کہ قوم 27کلو میٹر پر عمران خان کا اقتدار چاہتی ہے، عمران خان سامراج اور سپرپاور سے لڑرہا ہے۔

انہوں نے یہ بھی کہا کہ عمران خان قوم انتظار کررہی ہے جبکہ لوگ مہنگائی بجلی کے بلز اور آٹے کی وجہ سے مررہے ہیں۔

سابق وزیر داخلہ شیخ رشید نے مزید کہا کہ آج پورا پاکستان عمران خان کے ساتھ ہے جبکہ نوجوان بھی عمران خان کے ساتھ ہیں۔
دوسری جانب بول نیوز سے گفتگو کرتے ہوئے شیخ رشید کا کہنا تھا کہ حکومت کی عقل پر پردہ ہے اس لیے سیاسی قبر خود کھود رہےہیں۔

انہوں نے کہا کہ عمران خان چاہتے ہیں کہ حل بات چیت سے نکل آئے کیونکہ سڑکوں پرنکلے تو فیصلے بھی سڑکوں پرہوں گے۔

سابق وزیر داخلہ شیخ رشید کا مزید کہنا تھا کہ امید ہے سپریم کورٹ چور کوقانون کے شکنجے سے نہ نکلنے کا تگڑا فیصلہ دیگی۔