ہوم گراؤنڈ پر کمزور ٹیم سے کیوں ہارے؟ سخت سوال پر شان مسعود ناراض

کمزور ویسٹ انڈیز کے خلاف ہوم گراؤنڈ پر دوسرے ٹیسٹ میچ میں شکست نے کپتان شان مسعود کو میڈیا کے تلخ سوال پر ناراض کردیا۔گزشتہ روز ملتان ٹیسٹ میچ میں ویسٹ انڈیز کے ہاتھوں بدترین شکست پر کپتان شان مسعود رنجیدہ ہوئے اور صحافیوں کے سخت سوالات پر برہم بھی ہوگئے۔پریس کانفرنس کے دوران ایک صحافی نے اپنے طویل سوال کا یہ کہہ کر اختتام کیا کہ اپنے مستقبل کا فیصلہ آپ خود کریں گے یا پاکستان کرکٹ بورڈ کے فیصلے کا انتظار کریں۔جس پر قومی ٹیسٹ ٹیم کے کپتان شان مسعود نے کہا کہ ٹیم کا اعلان کرنے سے چیزیں تبدیل نہیں ہوتیں، مجھ پر اعتماد کے حوالے سے آپ کی رائے اپنی جگہ ہے اور میں اس کی قدر کرتا ہوں، تاہم آپ کو اپنے کھلاڑیوں، فیصلے کا بھی احترام کرنا چاہیے۔ گورننگ باڈی پاکستان کرکٹ بورڈ ہے اور تمام کھلاڑیوں نے بورڈ کے فیصلے کو تسلیم کیا ہے۔شان مسعود کا مزید کہنا تھا کہ آپ کا سوال توہین آمیز ہے، اگر آپ کسی کو نیچا دکھانا چاہتے ہیں تو دکھا دیں کہ ہم پاکستان کے لیے کھیلتے ہیں، ہم نے پاکستان کے لیے جتنی بھی کوششیں کی ہیں، ہم نے چار میں سے تین میچ جیتے ہیں، جو ہارے تو بھی نہیں ہوئے۔ پہلے دن غلطیاں کریں، نتیجہ حق میں ہوتا۔