نیلم منیر نے شادی کے بعد انڈسٹری میں واپسی کا کیا سوچا؟ اداکارہ کی پوسٹ وائرل

معروف اداکارہ نیلم منیر جن کی چند روز قبل شادی ہوئی تھی نے اعلان کیا ہے کہ وہ اب اپنے کام پر واپس آگئی ہیں۔گزشتہ رات نیلم نے اپنے انسٹاگرام اکاؤنٹ پر اپنی ایک تصویر شیئر کی جس میں اداکارہ اپنا میک اپ کر رہی تھیں۔نیلم نے لکھا، “میں اب ایک شاندار وقت کے بعد واپس آئی ہوں اور ایک نئی سوچ کے ساتھ کام کرنے کے لیے پرجوش ہوں۔”انہوں نے کہا کہ اداکاری نے انہیں بہت پیار دیا ہے اور وہ دوبارہ کام کرکے اسے مزید بڑھانا چاہتی ہیں۔نیلم نے اپنے مداحوں، رشتہ داروں، عزیزوں کے ساتھ ساتھ انڈسٹری کے دوستوں اور سوشل میڈیا پر اثر انداز ہونے والوں کا ان کی حمایت پر شکریہ ادا کیا۔
پوسٹ کے کیپشن میں اداکارہ نے مداحوں کی جانب سے اپنی شادی پر نیک خواہشات کا شکریہ ادا کرتے ہوئے کہا کہ وہ پہلے کی طرح کام کرنے کے لیے تیار ہیں۔یہاں یہ بات بھی قابل ذکر ہے کہ کئی اداکاراؤں نے شادی کے بعد اپنے گھر والوں کو وقت دینے کے لیے ڈراموں میں اداکاری چھوڑ دی تھی جب کہ نیلم نے خود بھی کافی عرصے سے اداکاری چھوڑ دی تھی۔