گھی اور کوکنگ آئل کی قیمتوں میں اضافے کا امکان

ملک میں گھی اور کوکنگ آئل کی شدید قلت کا خدشہ ہے کیونکہ خوردنی تیل کی ترسیل کی کلیئرنس گزشتہ ایک ہفتے سے تعطل کا شکار ہے۔ تفصیلات کے مطابق پاکستان ویجیٹیبل مینوفیکچررز ایسوسی ایشن (پی وی ایم اے) کے چیئرمین شیخ عمر ریحان کا کہنا ہے کہ پورٹ ٹرمینل پر کھیپ اتارنے کی جگہ نہیں ہے، جب کہ پورٹ پر جہاز کنسائنمنٹ کے لیے قطار میں کھڑے ہیں۔ان کے مطابق کنسائنمنٹس کی کلیئرنس نہ ہونے سے ہرجانے اور دیگر جرمانے بڑھ رہے ہیں جس سے خوردنی تیل کی قیمتوں میں اضافے کا خدشہ ہے۔ اگر یہ مسئلہ فوری حل نہ کیا گیا تو ملک کو خوردنی تیل کی شدید قلت کا سامنا کرنا پڑ سکتا ہے۔