پی ٹی آئی نے پیکا ایکٹ کے خلاف ووٹ دیا: عمر ایوب

قومی اسمبلی میں قائد حزب اختلاف عمر ایوب کا کہنا ہے کہ پی ٹی آئی نے پی ای سی اے ایکٹ کے خلاف ووٹ دیا تھا۔لاہور میں انسداد دہشت گردی کی عدالت کے باہر میڈیا سے گفتگو کرتے ہوئے انہوں نے کہا کہ بلاول خود کو جمہوریت پسند کہتے ہیں لیکن پیپلز پارٹی نے ایکٹ کو ووٹ دیا۔عمر ایوب کا کہنا ہے کہ میرے خلاف پورے پنجاب میں مقدمات درج ہیں۔انہوں نے کہا کہ ملک میں مہنگائی روز بروز بڑھ رہی ہے، آئین و قانون کی بالادستی کے لیے آواز اٹھانے والوں پر سختی نہ کی جائے۔پی ٹی آئی رہنما کا کہنا ہے کہ پنجاب حکومت پی ٹی آئی کو مینار پاکستان پر جلسے کی اجازت نہیں دے رہی، عالیہ حمزہ نے جلسے کی اجازت لینے کے لیے ڈی سی لاہور کو درخواست دے دی ہے۔