خیبر: پولیو ٹیم پر فائرنگ،پولیس اہلکار شہید

خیبر کے علاقے بکر آباد میں انسداد پولیو ٹیم پر فائرنگ کی گئی ہے۔ اس حوالے سے پولیس کا کہنا ہے کہ فائرنگ کے نتیجے میں ایک پولیس اہلکار شہید ہوا ہے۔ پولیس کا کہنا ہے کہ فائرنگ سے انسداد پولیو ٹیم کا عملہ محفوظ رہا۔واضح رہے کہ سندھ میں رواں سال کی پہلی انسداد پولیو مہم آج سے شروع ہوگئی ہے۔ ایمرجنسی آپریشن سینٹر (ای او سی) کے ترجمان کے مطابق مہم میں سندھ کے 16 لاکھ سے زائد بچوں کو پولیو سے بچاؤ کے قطرے پلانے کا ہدف مقرر کیا گیا ہے۔ 7 روزہ انسداد پولیو مہم 9 فروری تک جاری رہے گی، مہم سندھ کے تمام 30 اضلاع میں چلائی جارہی ہے جس میں 81 ہزار سے زائد رضاکار حصہ لے رہے ہیں۔