آرمی چیف کو بانیٔ پی ٹی آئی کے خط پر چہ مگوئیاں ہو رہی ہیں: ملک احمد بھچر

پنجاب اسمبلی میں اپوزیشن لیڈر ملک احمد بھچر نے کہا ہے کہ پی ٹی آئی کے بانی کے آرمی چیف کو لکھے گئے خط پر بہت چہ مگوئیاں ہو رہی ہیں۔لاہور میں میڈیا سے گفتگو کرتے ہوئے ملک احمد بھچر نے کہا کہ خط میں پاک فوج کی قربانیوں کا ذکر کیا گیا ہے۔ خط پر غیر ذمہ دارانہ بیان دینا۔انہوں نے کہا کہ مینڈیٹ چھیننے کے بعد ہم 8 فروری کو یوم سیاہ منانے جا رہے ہیں، مینار پاکستان پر جلسے کے لیے ہم نے ڈی سی کو درخواست دی ہے، ہمارے کارکنوں کی گرفتاری کے لیے چھاپے مارے جا رہے ہیں۔ملک احمد بھچر نے کہا کہ اسمبلی چھوڑنا ہمارے لیے کوئی بڑی بات نہیں، ہم پہلے بھی چھوڑ چکے ہیں، حکومت ہوش میں آئے اور ہمیں پرامن جلسہ کرنے دیں۔