کشمیر کے شہیدوں کا خون رائیگاں نہیں جائے گا، مولانا فضل الرحمان

اسلام آباد: جمعیت علمائے اسلام (ف) کے سربراہ مولانا فضل الرحمان نے یوم یکجہتی کشمیر کے موقع پر اپنے پیغام میں کہا ہے کہ 5 فروری ظلم کے خلاف جدوجہد، حق کی حمایت اور تحریک آزادی کا دن ہے۔مولانا فضل الرحمان نے کہا کہ شہدائے کشمیر کا خون رائیگاں نہیں جائے گا، بھارت کے مظالم تاریخ کا سیاہ ترین باب ہیں۔انہوں نے کہا کہ عالمی طاقتیں بھارتی مظالم پر کب بولیں گی۔ جے یو آئی آج یوم یکجہتی کشمیر شایان شان طریقے سے منائے گی۔بھارت کا منفی رویہ اقوام متحدہ کی قراردادوں پر عملدرآمد میں رکاوٹ ہے۔جمعیت علمائے اسلام کے رہنما کا کہنا تھا کہ اقوام متحدہ کشمیر میں استصواب رائے کے حوالے سے اپنی ذمہ داریاں نبھانے میں ناکام رہی ہے، اقوام متحدہ کی جانب سے قراردادوں پر عملدرآمد کے لیے ٹھوس اقدامات نہیں کیے گئے۔انہوں نے کہا کہ عالمی برادری بھارت کے کشمیر پر غاصبانہ قبضے کا نوٹس لے۔ انصاف کے نام پر بننے والی اقوام متحدہ کشمیر کے لیے کب ایکشن لے گی؟قبل ازیں وزیراعظم شہباز شریف نے کہا کہ جنوبی ایشیا میں پائیدار امن کے مفاد میں عالمی برادری کو بھارت پر زور دینا چاہیے کہ وہ کشمیری عوام کو آزادی کے ساتھ اپنے مستقبل کا تعین کرنے کی اجازت دے کیونکہ مقامی لوگوں کی حقیقی امنگوں کو دبا کر دیرپا امن حاصل نہیں کیا جا سکتا۔انہوں نے کہا کہ پاکستان کی حکومت اور عوام ہر سال ’’یوم یکجہتی کشمیر‘‘ مناتے ہیں تاکہ کشمیری عوام کے حق خودارادیت کی منصفانہ اور جائز جدوجہد کے لیے ان کی مسلسل حمایت کی تجدید کی جاسکے۔وزیراعظم نے کہا کہ حق خود ارادیت بین الاقوامی قانون کا بنیادی اصول ہے۔ ہر سال، اقوام متحدہ کی جنرل اسمبلی ایک قرارداد منظور کرتی ہے جس میں لوگوں کے قانونی حق پر زور دیا جاتا ہے کہ وہ اپنی تقدیر کا فیصلہ خود کریں۔صدر آصف علی زردارییوم یکجہتی کشمیر پر اپنے پیغام میں صدر آصف علی زرداری نے کہا کہ یہ عالمی برادری کو مظلوم کشمیری عوام کو اس کی ذمہ داری یاد دلاتی ہے۔