وزیراعلیٰ پنجاب مریم نواز کا پنجاب ڈیولپمنٹ پروگرام شروع کرنے کا فیصلہ

وزیراعلیٰ پنجاب مریم نواز نے پنجاب ڈویلپمنٹ پروگرام شروع کرنے کا فیصلہ کر لیا، صوبے کے تمام بڑے شہروں میں سیوریج اور نکاسی آب کے نئے نظام بنائے جائیں گے۔وزیراعلیٰ پنجاب کی زیر صدارت اجلاس میں پنجاب انکلوسیو سٹیز پروگرام کے جاری منصوبوں کا جائزہ لیا گیا۔اجلاس میں پنجاب ڈویلپمنٹ پروگرام پر عملدرآمد اور تمام بڑے شہروں میں سیوریج اور نکاسی کا نیا نظام بنانے کا فیصلہ کیا گیا۔ان شہروں میں سیوریج، پانی کی نکاسی، بارش کے پانی کی ذخیرہ اندوزی اور گلیوں کو ہموار کرنے سمیت دیگر ترقیاتی کام کیے جائیں گے۔شہروں میں سیوریج بائی پاس اور ڈسپوزل سٹیشنز بنانے کے علاوہ بارش کے پانی کی فوری نکاسی کے لیے اسٹوریج ٹینک بنانے کا فیصلہ کیا گیا، ان ٹینکیوں میں ذخیرہ ہونے والا پانی آبپاشی اور دیگر مقاصد کے لیے استعمال کیا جائے گا۔اجلاس میں فیصلہ کیا گیا کہ ہر صوبائی حلقے میں 30 کلو میٹر سڑکوں کی تعمیر و بحالی کا کام بھی کیا جائے گا۔وزیراعلیٰ مریم نواز نے ماڈل ویلج کی تعمیر کی منظوری بھی دی۔ انہوں نے کہا کہ ستھرا پنجاب پروگرام سے صوبے کے 15 کروڑ عوام مستفید ہوں گے۔مریم نواز نے ایک لاکھ سے زائد آبادی والے 189 شہروں کا منصوبہ بھی طلب کر لیا۔