پاکستان کرکٹ ٹیم کا اسکواڈ زمبابوے سے جنوبی افریقا روانہ

پاکستان کرکٹ ٹیم زمبابوے کے شہر بلاوایو سے جنوبی افریقہ روانہ ہو گئی۔ پاکستان کرکٹ ٹیم جنوبی افریقہ کے خلاف 3 ٹی ٹوئنٹی، 3 ون ڈے اور 2 ٹیسٹ میچوں کی سیریز کھیلے گی۔ زمبابوے سے سلمان علی آغا، عرفان خان نیازی۔ حارث رؤف، سعید ایوب، ابرار احمد، محمد حسنین، عثمان خان، عباس آفریدی، جہانداد خان، سفیان مقیم، طیب طاہر اور عمیر بن یوسف ڈربن کے لیے روانہ ہو گئے ہیں۔کپتان محمد رضوان، بابر اعظم اور شاہین آفریدی ڈربن میں ٹیم کو جوائن کریں گے۔ حسیب اللہ خان، عرفات منہاس، عامر جمال، صاحبزادہ فرحان اور قاسم اکرم دبئی کے راستے گھر روانہ ہوئے۔