سرد موسم کے ساتھ ہی سینے کے انفیکشز میں اضافہ

سردی کے موسم کی آمد کے ساتھ ہی ملک بھر میں نظام تنفس (سانس کی نالی) کے انفیکشن میں اضافہ ہوگیا ہے۔ نظام تنفس اور دمہ کے ماہر ڈاکٹر وقاص رشید نے بتایا کہ سرد موسم کی وجہ سے سانس کے انفیکشن میں تیزی سے اضافہ ہوتا ہے۔ اس لیے لوگوں کو احتیاط کرنی چاہیے۔ انہوں نے مزید کہا کہ ہلکی سردی سے لے کر شدید نمونیا تک کی بیماریوں کے خطرات کو کم کرنے کے لیے صحت بخش خوراک کو برقرار رکھنا ضروری ہے۔ڈاکٹر رشید نے عوام کو مشورہ دیتے ہوئے کہا کہ وہ محتاط رہیں اور اگر انہیں کھانسی، چھینک، گلے میں خراش یا ناک بند ہونے جیسی مسلسل علامات کا سامنا ہو تو طبی امداد حاصل کریں۔ماہرین ایسے کیسز میں اضافے کی وجہ درجہ حرارت میں اچانک کمی کو قرار دیتے ہیں اور خطرات کو کم کرنے کے لیے آسان اقدامات کی کی اپیل کرتے ہیں جس میں ماسک پہننا، بار بار ہاتھ دھونا، ہائیڈریٹ رہنا، علامات والے افراد سے دور رہنا اور غذائیت سے بھرپور غذا برقرار رکھنا شامل ہے۔ڈاکٹر رشید نے روایتی علاج پر بھی روشنی ڈالی جیسے گرم، غذائیت سے بھرپور شوربے (یخنی) اور سوپ جو قوت مدافعت کو بڑھانے اور علامات کو کم کرنے میں مدد کرتے ہیں۔