برطانیہ کو رواں سیزن کے پانچویں طوفان کا سامنا، ایووین نام دے دیا گیا

برطانیہ کو سیزن کے اپنے پانچویں طوفان کا سامنا ہے۔ لندن سے میڈیا رپورٹ کے مطابق برطانوی محکمہ موسمیات نے طوفان کو ’’ایوین‘‘ کا نام دے دیا۔ میڈیا رپورٹس کے مطابق سمندری طوفان Ioane جمعے کو برطانیہ سے ٹکرائے گا۔ برٹش میٹ آفس کے مطابق، برطانیہ کے بیشتر حصوں میں 80 میل فی گھنٹہ کی رفتار سے ہوائیں چلیں گی۔میڈیا رپورٹ کے مطابق محکمہ موسمیات نے جمعہ اور ہفتہ کو طوفانی ہواؤں کے لیے یلو وارننگ جاری کی ہے۔ طوفانی ہواؤں کے باعث موسلادھار بارش، بجلی کی بندش اور سفری مشکلات کا سلسلہ جاری رہے گا۔جمعہ سے انگلینڈ، ویلز، شمالی آئرلینڈ اور جنوبی اسکاٹ لینڈ کے شمالی اور مغربی حصوں میں تیز ہوائیں چلیں گی۔