روسی صدر ولادی میر پیوٹن نے شمالی کوریا کو کئی جانور تحفے میں دیے ہیں۔روسی حکام کے مطابق صدر پیوٹن نے روس اور شمالی کوریا کی دوستی کی علامت کے طور پر شمالی کوریا کو درجنوں جانور تحفے میں دیے۔روسی حکام کے مطابق تحفے میں دیئے گئے جانوروں میں 1 شیر، 2 ریچھ، 2 یاک، 5 سفید طوطے، مختلف انواع کے 25 تیتر اور 40 بطخیں شامل ہیں۔غیر ملکی میڈیا کے مطابق ان جانوروں کو روس کے دارالحکومت ماسکو سے شمالی کوریا کے شہر پیانگ یانگ کے چڑیا گھر میں منتقل کیا گیا ہے۔اس سے قبل روسی صدر نے 24 اعلیٰ نسل کے گھوڑے تحفے میں دیے جب کہ شمالی کوریا کے رہنما کم جونگ ان نے کتوں کا ایک جوڑا روسی صدر کو بھیجا۔غیر ملکی میڈیا کے مطابق روس اور شمالی کوریا نے اس سال کے شروع میں مغربی ممالک کی سخت پابندیوں کے تحت باہمی دفاعی معاہدے پر دستخط کیے تھے۔
0
